wrapper

 

زهير وحيد العگيلي
 
ودعني كريم وگال جلمات
احلى من القصايد بين ايديه
ابتسم رفرف بجنحه ويه الحمامات
وداعا گال لا تسال عليه
انه وياكم نبض والنبض ما مات
مادام الوطن اجمل قضية
وصاني گبل ميروح ساعات
وكال بذمتك حروف الوصيه
سلملي على الطيبين بالذات
وبوس الوالده الطيبة الوفيه
نذر هذا الجسد يفلان لو مات
منه نصوغ الف شذرة هديه
يصيّاغ الورد والورد شتلات
طيبة من جذوره وعذب ميه
عد بيت الهلالي الكم علامات
علّن فوك وي نجم الثريا
ذهب وادري الذهب شح بهالاوكات
لجن عدنه الذهب ميزة وسجيه
من گطرات دمه اخذ شذرات
وطش من المحابس واهليه
ومن هذا الجرح فصّل سوارات
لاجمل معصم واجمل صبيه
عريس وايزفنه الفراشات
ومن ورد القرنفل عذب ميه
شيوعي وبيه طبع وكت الملمات
شهم يبقى وتظل نفسه ابيه
عار عله الطغاة وتظل لعنات
ونجم يبقى الشهيد ويشع ضيه
جبل هذا الوطن رغم الجراحات
شواهد نور للعام جليه
 
 
زهير وحيد العگيلي
العراق - ميسان

 

عن الموقع

 المندائية موقع مندائي اخباري يختص بالقضايا المندائية الدينية والأجتماعية كما يوفر اخبار حول العالم يتيح للكتاب نشر مقالاتهم كما لا يتحمل الموقع أي مسؤولية قانونية عن دقة أوصحة أو شمولية  المعلومات الوارد 

تأسس الموقع سنة 2001 يضم الموقع العديد من الزوايا منها اول غرفة المندائية للمحادثة الصوتية, صفحة الأخبار،صفحة الكتاب,منوعات, كما انطلق من الموقع اول راديو مندائي على الأنترنت و نسعى جاهدين للأرجاع الخدمة
موقع الشبكة المندائية موقع محايد منما يميزة عن بقية المواقع على النت
تم انشاء الموقع ودعمة من قبل السيد ماجد حميد سعيد

 

رجال الدين المندائي