wrapper

إسْـأل ضَـمـيـركْ ياحِـلــُـو

 

أغـنية مـُـهداة إلى الشباب الصابئي

ورود

( نادي زفـولا )

في هـولـَـنده

 

صـَـنهـيـر المسودني

 

ماتـُبطـَـل اجـْـروحي نـَـزف  ـ  من تِـجـفي وَجـْهـَـكْ وتـْصِدْ

دَمعـَه أنـَه ابْـعـينـَـكْ أظِـلْ ـ أتـْمَـرجَـح ابجـِـفـْـنـَـك دَفــَو

مِـن رمْـشـَـك الحَـدْر الـْخـَـدْ

أغـْـفـَه على اشفافـَـك عِشِـًك ـ أسْهَـر على اعـْيونك كِحِـلْ

ماجـْوزَن الهذا الحـَـدْ

أنثِـر على اخـْدودك أمل ـ بدموعي يـِروه اوينـْشِـتِـل

والدنيه كِلهـَه اتـْورّد

أظفـُر ابـْـزلـْـفـك قِـصّتي ـ أشتِـكي الـْطيفـَـك حالي

مِتغـاوي لو طبعـَـك غـَـدر ـ بـَـذات مالـَـك تالي

إحـْـرًِك ابـْـنارك مُهـجِـتـي ـ خـَلـّى الـْـكًـلـُــبْ لـَـنـّـك بيهْ

أبـْـجي وكِـتـّن بالـْـدمِـع ـ وركِـض الـكًـلـْبـي اوأطفـيـهْ
ياحيف قـَصرك ياعِـشِـًك ـ ابـْـساع طاح اتـبـَربـَد 

إسأل ضَميرك ياحلو ـ هـَلـْبـَـتْ تِـلاكًـيلـَـكْ رَد

***

هاك الكًـلب شوف الجَـرح ـ بيدك يـَـلـَسمَـر شِـلـّـه

اخـْيوط ماعِـنـْدَكْ تِـشِـل ؟

بـَـتْ واحِـد ابكًلبي بـُقــَـه ـ كًِـطعـَـه يجـَبـدي او خـَـّـلـَه

ماتكًـدر اتـْسَـكتِ النزفْ ـ لاتتعِـب اولا تكتلف ـ خله ينازع خـَـلـّه

ياعيني يالـولـَـة ْحِـسِـن ـ خـِـلْ اويـِـعاتِـبْ خِـلـّـه

لحظة ْهجر منك سنه ـ مَـليّت من روحي أنه ـ حُبّـك أبد مامِلـّه

تبقه حبيبي ابقسوتك ـ شـَمّـتِـت كل عِـذالي

أنتظر لحظة شوفِـتك ـ حتى ابعـَذابك غـالي

ماتِـذكر الـْـنـَسـْمه الإجـَـت  ـ  حـَطـّـت على اشـْـفافـَـك رَسِـم

ورْكـَضنـَـه للـكًـاع اونِـلِـم ـ أزهـار نِـكًـْـطـَعـْـه اونِــشـِم

تـُغـْـفه على اعيوني حلم ـ إسمَـك ابروحي طِـلـّسِم

حـبّك ولِـك ... صـَـد مارَد ـ ياجـلمَه مـَـكتـوبه ابْخـَـدْ

إسأل ضَميرك ياحلو ـ هـَلـْبـَـتْ تِـلاكًـيلـَـكْ رَد

***

لو تِحـِب والحـُب ياتـَـرف ـ ريحان ومْـراود كِحِـلْ

اعـيون تِـسـهـرْ ما تِـمِـل ـ ودموع يوميـّه تِـهـِـلْ

لو ماتحِـب ، ِتنساني من عينك دَمِع

ووْعــود مـَـكـتـوبه ابـْرَمـُـل

وبْخور وصْواني شَمِع ـ وبـْـتوت روحي اتـكًـطّـعـَـت

لـَـنـّـك تِـعِـت وانـَه أعـِـت ـ مازاد وبـْحـُبـْنـَه صِحـِت

كذابه مابيهه أمل ـ خـَـوّانـَـه ماتـحـكـُم عـَدِلْ

نِـعـْـناع وقـْرنـْـفِـل تِظِـل ـ كِـلـّـك عِطِـر من يومَـك

قِـداح ويْغار الـْوَرد ـ من حـُمـْرةِ الـْبخـْدودَكْ

صَدكًـني وسْمـَع قِـصّـتي ـ وسْـأل إمْن الناس احـّد

والـْنـاس ماتـُظـْـلـُم حـَـدْ ـ ليش العِـشِـًك ماورّد

إسأل ضـَـميرك ياحِـلـُو ـ هـَـلـبَـت ْتِلاكًـيلك رَد

 

Last modified on الثلاثاء, 03 آذار/مارس 2015

عن الموقع

 المندائية موقع مندائي اخباري يختص بالقضايا المندائية الدينية والأجتماعية كما يوفر اخبار حول العالم يتيح للكتاب نشر مقالاتهم كما لا يتحمل الموقع أي مسؤولية قانونية عن دقة أوصحة أو شمولية  المعلومات الوارد 

تأسس الموقع سنة 2001 يضم الموقع العديد من الزوايا منها اول غرفة المندائية للمحادثة الصوتية, صفحة الأخبار،صفحة الكتاب,منوعات, كما انطلق من الموقع اول راديو مندائي على الأنترنت و نسعى جاهدين للأرجاع الخدمة
موقع الشبكة المندائية موقع محايد منما يميزة عن بقية المواقع على النت
تم انشاء الموقع ودعمة من قبل السيد ماجد حميد سعيد

 

رجال الدين المندائي