wrapper

وادعـيتـَـك

صـنـهـير الـمسودنـي

 

وادعـيـتـك .. هـذا آخر يـوم جـَـنـّه

وآنه أدري .. جـَـنـّي مَـيـّـت وادعـيـت

ما يـكًـول اوياي إمشي .. ريتـني احـبـيـّب عِــميتْ

تـِـهـمــل اعــيــوني امـنَ أذكـــرك

واسْـحـَـن ابْــروحي امـن أشـِـمّـن ـ ريحــتــك جـَـنـّـك إجـيـت

مـوش بــــيــدي الله يـَـشـهـَـد

كًـلـبـي يـتـوجـه اويـجـيـك .. امـوادعــيــك

     

***

وادعـيـتـَـك ... شـَـمِـس إنت النور وتـْشـِع

يـا حـَلات اشـمُـوع نـارك مِـن تـغـنـّـي

ما بـَعـَـد كـل شـَمس تِـطـلـَـع

أذكـر اعـيـونـَـك حـبـيـبي ـ والجـفـون اشْـلـون تـِـدمَـع

تِـحـضـن إرمـوشـَـك دمـِـعـهـَـه ـ أوما تـِـخـَـلـّي الـعـيـن تـِـسـمـَع

والـضـوه الـبـيـهـَـه يـبـاهـي

امْـن الـشَـمـس تـِطـلع عـلـيـك .. أموادعـيـك

***

وادعـيـتـَـك .. تـنـضـَـح اشـفـافـَـك حـَـنـيــن

اوياحـَلات العـَسل طـَـعـمـَـك صار بـشـفـافـَـك ونـيـن

ياطـَعـُم ريـجـَـك احـبـَـيـب يحجي لوعـات الـسـنـيـن

إنـت تـدري الـيـحـِـب دومـَه

يحب عـمره او يحـب يـومه

إيـعـيـش يـتـمـَـنـّـه الأ جـَــل ايعيش وبروحة أمل

حايرابيومي حبيبي ـ كون أموتن بين اديك .. إموادعيك

 

وادعيتك ... وآنه أدري

كـًـلبي مـَدفون ابـْشبابـَه

مابعد دًكت ربابه ــ إتـصيح بسمك ياعذابه

آ ه ... يحبيّب يـَيابـَـه

وانـَـه اون ون الفخاتي

إبكًـيظ هجرك ... وانت ناطور ابلهاتي

من أغصّن .. تـنحبس ونتي بديك .. إموادعيك

وادعـيتـك .. مادريت اتبيع حبك كل وكت

وآنه أسهر ليلي كله ... أعصر اعيوني ابدمعهن

دمَعـَـه دمعـَه اوماتِكـِت

ماعِرفـْت النوم طعمه .. ارموشي بعيوني تون

ماتريد اتـْشوف غيرك .. ريتهـِـن بَـعـْدك عـِمن

ماغفن جيف إنت بيهـِـن ـ ولِك صَـدًك ماغــُفـَن

من أشوفك انسه روحي ـ أنسه إسمي .. أنسه نوحي

واشهـَــًك إبإسمك حبيبي ..

تركِـض إجدامي عـليك .. اموادعيك

***
***
Last modified on الثلاثاء, 03 آذار/مارس 2015

عن الموقع

 المندائية موقع مندائي اخباري يختص بالقضايا المندائية الدينية والأجتماعية كما يوفر اخبار حول العالم يتيح للكتاب نشر مقالاتهم كما لا يتحمل الموقع أي مسؤولية قانونية عن دقة أوصحة أو شمولية  المعلومات الوارد 

تأسس الموقع سنة 2001 يضم الموقع العديد من الزوايا منها اول غرفة المندائية للمحادثة الصوتية, صفحة الأخبار،صفحة الكتاب,منوعات, كما انطلق من الموقع اول راديو مندائي على الأنترنت و نسعى جاهدين للأرجاع الخدمة
موقع الشبكة المندائية موقع محايد منما يميزة عن بقية المواقع على النت
تم انشاء الموقع ودعمة من قبل السيد ماجد حميد سعيد

 

رجال الدين المندائي