wrapper


نِـكًـعِـد بالشمس هلبت يجينه (الـْفـَيْ) ـ شمس البـِـلسِمَـه نكًعِـد نحاجـيهَه

نِتحَـرّك .! ندَوْر (افياي) عيب اشلون ـ تـضربنه الشمس وحنه نِـناغيهه

(كـَرّكنه) على البيضات نِص الصيف ـ فِـسَد بيض الحَدرنه من بـلاويهه

ياحـَر الشمس صكًعتـنه باليافوخ ـ نجوجي اعله السراب الماي غط بيهه

عافـتنه الشمس وفرحنه جانه الفـَي ـ ثاري اغـروب صارت من اعاليهه

 

كًـلنه الفي إجه خل نمشي صار اغـروب ـ إجانه الليل عين الشمس يطفيهه

ثاري النوم اخـَـذنه اومادرينه النـّوب ـ شمِـس الله تغيب ، او الله حاويهه

نِـمنه نومَـة العـَطشان يحـْـلم (ماي) ـ روحَه (اتشعوطت) ويريد يرويهه

مثِـل كًاع او(جـَـبدهَـه) اتفطـّـر امن الكًيظ ـ تنطر للشته هَـلبت يساكًـيهه

لو جـوعان شـَد بـَـطـنه سَـبع تـَـيـّام ـ و(بكًِـرضة خـبـُـز) كًـاعد يسلـّيهَـه

جــنـّـه (ايـْـتيـم) فارًك أمّـه صار اسنين ـ تِـذكـّـر من حِـلـَم ويريـد يرثيهه

يـشرب بالحِـليب اوأمـّه هدهـَه الجوع ـ (تِِـكًــمـّط) بيه تاكِـل من لِـياليهـَه

وبوه الصبـّي كًاعد بالشمس ناطـور ـ لوغابت شَـمِـسنه يعـْـتِـب اعـليهه

***

حَمامه اوبيد جاهل ترفس امن الضيم ـ يكضهَه امن السنابـًك يهلس البيهه

مِـن يكـبَـر يكًول افلان آنه افلان ـ و (بـُوي) امن الذهب صايغ ملاويهـَه

يكًول الهور ابوه اومايه والمَشحوف ـ نِسَه (الفاله) ابوه ابظهره يرجيهه

(ديوانه) يكًـول (ادلالـَـه) دوم اتـفور ـ (فِـناجـينـَه) تِـرن ودلاله جافـيهـَه

يتصور (طلي) دنياته لِـيـّه اوصوف ـ أكًِـصـّـن باللحَـم وكًــْطـع جلاويهه

دنياكم أحِـطهَه (ابجيب من اجيوب) ـ أنـْدل كل (كِـتِـر) بيهه اومحاريهـَه

يـِمشي (الـكًـاع لغلوغه شبه طاووس)  ـ طاووس الكبـَر سجـيـّن تاليهه

Last modified on الثلاثاء, 03 آذار/مارس 2015

عن الموقع

 المندائية موقع مندائي اخباري يختص بالقضايا المندائية الدينية والأجتماعية كما يوفر اخبار حول العالم يتيح للكتاب نشر مقالاتهم كما لا يتحمل الموقع أي مسؤولية قانونية عن دقة أوصحة أو شمولية  المعلومات الوارد 

تأسس الموقع سنة 2001 يضم الموقع العديد من الزوايا منها اول غرفة المندائية للمحادثة الصوتية, صفحة الأخبار،صفحة الكتاب,منوعات, كما انطلق من الموقع اول راديو مندائي على الأنترنت و نسعى جاهدين للأرجاع الخدمة
موقع الشبكة المندائية موقع محايد منما يميزة عن بقية المواقع على النت
تم انشاء الموقع ودعمة من قبل السيد ماجد حميد سعيد

 

رجال الدين المندائي