wrapper

أبوذيـّـات أم صـابـئـيـّـة

 

 

طِـفل أوّل جِـلـمتـَه أيكًــول مـامـا

ثـدي أمـّه يصير الروحـَـه مـامـا

أمــّه اطـْـلـَع تكـًـِـلـّه أيـكًـول مـا مـا

مـاعـوفـَن رَحـَم أمـّي الزجيـّـه

 

---

خـَذت كًـلب الأمـومه اوطاح يـُـمـّه

صـاحـَت من عِـثرت اوطِحِِـت يـُمـّه

سـَهـَرْت اعليك كل العمر يـُـمـّـه (يامه)

شِـرَبت ادموعي من أعطش بـِدَيـّـه

---

باريتك عِـفِـتـني اشلون غـربه

شجره اوماتعيش ابكًـًاع غـربه

غـُربه انت عشتهه اوآنه غـربه

أغـرغـر بالدمع يحـزن علـيـّه

---

حِنه ابظهري الدهر يـُمـّه وشِل بيه

يوميـّه جرح يـِدّي وشـِـل بـيه

لوجان الوكِـت حايط وشِـلبـيـه

وشوفك يـُمـّه وتصير المنيـّـه

---

عيني اعـْـلـَه الطريج أمك تِـرابي

عِفـِـتـني او هـَلـّت الـغربه تـرابي

تـَراه الـبـيـك يايـُمـّه تـرابي

غربـه اثـنينـّـه اوهذي بليـّـه

---

يـُمـّه امن الذهب تجليه صـَكًـلـَـه

أيـّامك لِعبهه اوياك صـَـكًـلـَـه

دهرك لو عوج ويـّاك صِـكـلـَه

ألِـف باب اوتِـصِـك كِلهن أذيـّـه

---

مثل ماي اويجوجي ابـكًاع حـَدره

يـُمـّه كل أخـو لـو جِـذَب حـَدرَه

كِل زيـن اويخـلـّي الشـيـن حـَدره

سـَوي الـزين والزينه  زجـِـيـّـه

---

تِـرابـِـيني يـَـيـُمه وانه رابـيـك

أكًـطع من جـَبـِد روحي ورابيك

اشـوفنـّـك فـَطِن يـُمـّه ورابـيـك

رجـوله امن الزغـر واتـباري بـِيـّـه

---

راح اظناي من عـمري يـَروحي

يـُمـّه اوداعِـتـَـك ظـَـلـمَه يـَروحي

وي غـُربه الـْـوكِـت أحسب يـِروحي

نِـخيت الموت واطلبت المنِـيـّه

---

يـُمـّه اشلون تِـندَل يـُمـّه كًـبري

أحِـط اجناغـَـك الـْنيشان كًـبري

إن تِـلـكًـَـه يـَيـُمـّه ابيوم كًـبـْري

تِشـوف اجناغـَـك ادموعه يهِلهَـه

يصيح أمي ، تِـصيح إسمع يـَهـَـلهه

جِـثيره اولاد يـِعميهه يَـهَـلهَـه (جهلهه)

نِـسَـو يـُـمـّه الأمومه اوضاع كًبري

---

يـُمـَّـه اوداعت الـْجـَرغـَد وشـيلـَـه

أحِـطـّـن رسـمج ابـروحي وشـيـلـَه

يـُمـَّـه الـحر أبـَـد يـاكِـل وشيلـه (اوشاله)

شـَـهِـم يـُمـّه تـَرَه اوروحي أبـِيـّـه

 

Last modified on الثلاثاء, 03 آذار/مارس 2015

عن الموقع

 المندائية موقع مندائي اخباري يختص بالقضايا المندائية الدينية والأجتماعية كما يوفر اخبار حول العالم يتيح للكتاب نشر مقالاتهم كما لا يتحمل الموقع أي مسؤولية قانونية عن دقة أوصحة أو شمولية  المعلومات الوارد 

تأسس الموقع سنة 2001 يضم الموقع العديد من الزوايا منها اول غرفة المندائية للمحادثة الصوتية, صفحة الأخبار،صفحة الكتاب,منوعات, كما انطلق من الموقع اول راديو مندائي على الأنترنت و نسعى جاهدين للأرجاع الخدمة
موقع الشبكة المندائية موقع محايد منما يميزة عن بقية المواقع على النت
تم انشاء الموقع ودعمة من قبل السيد ماجد حميد سعيد

 

رجال الدين المندائي