wrapper

أبــــــــــو زلـِـــــــــــف

  

زلفه امن المسج عِـطرَه ـ جدايل باسَت ازلوفه

كًـام الجـَرح ينـزف بيك ـ عِـندك خيط واتـْـروفـه ؟

ون شِفتـَـه يتـَعـّب بيك ـ وذا صاح الجرح عوفه

بـِـسْمـَـك صاح كل الليل ـ باوع ليه ، بس شوفـَـه

ليش اشمالك اتلجمـَـه ـ عوفه ازرعت بي خوفه

شوفه الدم نضح يضحك ـ بيدك حِـنـّه واتـْـدوفه

ماأدري ضعِـت ياحـيـف ـ ماي اوتـاه بـِجـْـروفه

شال اهوايْ منك ضيـم ـ تِعـبـَت بادَت اجـتـوفـَـه

قاسي اشكًـد صعب كًـلبك ـ دومه امشرّعـه اسيوفه

سيـفـك حِـطـّه بكًليبي وشرعـَـه

يـَدمي صار جـرفانـَـك وشـرعـَه

والله اوهيي والماري وشـَرعـَـه

سـيفـك من يشـِج كًـلبي هـَـديـّـه

مثل كًـطن الننِدفه انطلعه ابصيف ـ روحي دوم بيدك ويلي مندوفـَه

 

 

***

أحلى الناس كل الناس ـ سولف ، صِـرنه سالوفه

نـَـسمَه انت وشِمـَـنـَّـك ـ إنت ابـْـروحي مَعـْـزوفه

روح ابعِد : يكًـول النوب ـ هـِيد اوبسْ ولك (سوفه)

هيعونه اليشمـّـك دوم ـ يـحـَنـّي ابعِـطرك اجفوفه

تضم كًـلبك سبع ضمـّات ـ أسْـطي اعليه ماحوفه

(عـَمـْلـَه) اللي يخون اهواه ـ عِـمـَـلهه عَملتِ الكوفه

مـَعروفـك يظِـل حبـّـك ـ مِنهو اليـنسـَـه مَـعـروفه

حبيبي اوبالقساوه اشكثر معروف

أروح ادعي الأيـّمه اوشيخ معروف

فـَرِد نـَظره ولك و واحسبهه معروف

(زدقه) اتصير واتصدّق عـليّ

غـَـمهه الرّوح من تِـسمع ـ إسمك تظِـل ملهوفـه

غـَمّـه الكًلب من يسمع ـ اسمك ، تنمحي احروفه

***

تنزف كل جروح اعضاي ـ من تكتب حروف اسمك

نسمه اتغازل العِـشـاًًك ـ تِـشـبـَع بوس واتحِـضنك

مـَـنذور آنـَه لِـعـْـيـونـَـك ـ أوفـي بـِـالـْـدمع نِــذرك

ولـِز اخدودي بخـدودك ـ تـفوج اوتِغـرًك ابدمعـَـك

(ميل الكحل) غار اوفـَـر ـ خايف من رمش كِـحلك

ماأكًـدَر دخـيلـك بـَس ـ تِـذوب الروح من هـَجـْـرك

كًـلبي ماخـُـمَـد ناره ولـَـك ثار

ماهو زيـن من يعـْـشكً ولك ثار

بعض الناس تتمـنـّه ولك ثار ( الأكثر )

يـِـخافونك يـَبو اخـْـدود الـْـضويّـه

كافِـي اتـمـَرعِِـد الدلاّل ـ سِـجـَـنـْـتـَـه والسِجِـن كًـلبك

خـَـليـّـني أعِـد اسْـنـيـن ـ أموتـَـن واحـْتِـيي ابـذكـْرك

 

***

ليلو اوتِـنـَعـثـَـر حـَـلكًـك الـْبيه ـ هيعونه الذي امن الشفـّه لـَمـّـك

والـْشامَـه تِـضـَوّي جنهه فانوس ـ والظلمه تِـضـَوّي ابنار خدك

أكًـْـرب منّ اريد اعـْـدِل بـِلـِـزلوف ـ تكِـًلي ليش بسـّـك هذا حـَدّك

ياكًيمر عـسل بالرّيج معسول ـ ريجـَـك من عـسَـل يالعسل كلـّـك

ياون (الفخاتي) ابـكًـيظ الِهموم ـ تغرّد بالـكًلب لو طِـلـَع حِـسـّـك

تِـتـْـغاوَه ابغـنـَج تتبـاهـَـه كل ساع ـ هجـرك لِـليحبـّـك طعـُم كًـلبك

ياطبعـَـك غـَـدر يتسلـّه بالمَـلجوم ـ يــِفـُـطمَه اعله الهَجـِـر صـَدّك

لوتًكـدر الـْظـلم الناس بـِهْـداي ـ تِـذكـّـر قِـدرة الله اعـليك ، ربـّـك

هاك اجروح كًـلبي اوشلهه بهداي

تِـلجمهه اوشكتلك ، ليش؟ بـهداي

اسلام اومسيح ايهود بهـْـداي ( بيه داي : صبه )

دِنيه .. اتصير من هجرك دنِـيـّـه

تعوفه امن السهر يتــْكًلـوَط ابـنار ـ يصير اوللخـَـلـَـًك للناس سالوفه

أطوي قصتي ويـّـاك ، بـَذات ـ سوّي اكتاب قصـّتي اوحِـطـّه بـرفـوفـه

زلفه امن المِـسـِج وامعـَطـّـر افــّـيـش ـ أندار اعـْلـَه اسمك وشبًك احروفه

زلـْـفـَـه امْن الـْمِـسِـج عِـطرَه ـ جـِـدايـِـل باسَـت ازلـُـوفـَـه

كًـام الـْجـَـرح يـِـنـْـزف بـيك ـ عِـنـْـدك خـيـط واتـْـروفـَــه ؟

 

Last modified on الثلاثاء, 03 آذار/مارس 2015

عن الموقع

 المندائية موقع مندائي اخباري يختص بالقضايا المندائية الدينية والأجتماعية كما يوفر اخبار حول العالم يتيح للكتاب نشر مقالاتهم كما لا يتحمل الموقع أي مسؤولية قانونية عن دقة أوصحة أو شمولية  المعلومات الوارد 

تأسس الموقع سنة 2001 يضم الموقع العديد من الزوايا منها اول غرفة المندائية للمحادثة الصوتية, صفحة الأخبار،صفحة الكتاب,منوعات, كما انطلق من الموقع اول راديو مندائي على الأنترنت و نسعى جاهدين للأرجاع الخدمة
موقع الشبكة المندائية موقع محايد منما يميزة عن بقية المواقع على النت
تم انشاء الموقع ودعمة من قبل السيد ماجد حميد سعيد

 

رجال الدين المندائي