wrapper

لـو ضاگــــت

المحامي

عـمـاد عبد الرحيم الماجدي

لـوضاگــت اتـنـَطـّـر فرج ـ مامش حياة ابلا أمَـل

إيـكـَـدرك أيـسـِرّك زمـَن ـ والدنيـه ياصبـّه دُوَل

والبشر لو مات اورحـَـل ـ بس يبقه من ذكره العمل

والهيي لو يطغه البشر ـ مايهمل ( الهيي ) مِـهَـل

مطلوب نتعـَـلم درس ـ انـشوف شيسوّي (النمل)

بالصيف يجمع (ماچلـَـه) ـ بالشته (الماچلته) أكـَـل

لاتلعـَن الظلمه اوتِـسب ـ خلـّيك شمعه اوتِـشتِـعـِل

كل لعب بس تالي بعـَد ـ بـَعد اللعـب جـاي الأجـَـل

هِـنيال كِـلمن هالوكت ـ وَردَه زرَع بـيـده شِـتـَـل

مثل (النحل) تدري النـحـَل ـ ياكل ورد ينطي العسل؟

لـوضاگــت اتـنـَطـّـر فرج ـ مامش حياة ابلا أمَـل

 


***

البشـَـر لو يحلِـب صدگ ـ إهـلال وابظلمه يـِـهـِل

لو حِـلب غِـش اوماصدگ ـ (مگداره) بين اهله يـِقِـل

مو (جمل) وايحمـّل ذهب ـ (عاگول) تاليهه الأكِـل

(البشر حيوان الطبع) ـ بـَـس الفرق تدري العقـِـل

لـو فـُقـَد عقله اومانصح ـ (اجريدي) يتشلبه الـنخـَـل

لوضاع (مفتاح العـقِـل) ـ ماتِـگـْدر اتفـك العـَـقِـل

والدهر لو دگ البـشـَـر ـ (دگ الحديد) اوهـَمْ يـِـفـِـل

الصبي ضِـلعك لو وگـع ـ لبـّيـلـَـه مِـنـّـك لـو سـِـأل

(الصبـّه) مابيهـُم غـُرب ـ الصبـّـه ، ياصبّـه أهـَـل

إن تبني سـاسـَك غـَمـّجه ـ إبني ابصخـَر موش ابرمـُل

والينكر اهله اوصبـّتـَـه ـ صـَدّگني ماعندَه أصـِـل

***

الـصـبّه بيتك حـَصـّنـَـه ـ عـامِـر اوعِـمدانـَه تِـظِـل

الـْماإلـَه بيت اويـچــِن ـ إيعـيش كل وكـتـَه (نِـزل)

والثِگـَل حِـمله امن التعب ـ بـَسْ هـَلـَه ايشيلون الحِمِل

مـَحـّـد نِطـه اعيونه إلك ـ تِـبچـي تظِـل بيهه اوتِهـِـل

(الدنيه) ، خطـّار البشَـر ـ بيهـَه اوعليهه يـنـْـسِأل

لـو ضاگت ابعينك يـَخـَيْ ـ (غيمَه) تـَرَه ابصيف اوتِـفِـل

تِـفـرج او (آدم بو الفرج) ـ يحـْميـك وايـْـعَـدلِ (العِـدِل)

مامِش (صعب) لو تلتـزم ـ الصعـُب عِـد (هيي) سـَهـِِـل

إرشم اوأبرخ كل (فجـِـر) ـ صـَدّق اوصوم او لاتِـمِـل

لِـلواحِـد اشهـَد لِـلأحـَـد ـ لاتِــنـسـَـه ياصَـبـّي الأجـَـل

لــو ضاگــت اتـنـَطـّـر فـَـرج ـ مامِـش حـَياة ابلا أمَـل

Last modified on الثلاثاء, 03 آذار/مارس 2015

عن الموقع

 المندائية موقع مندائي اخباري يختص بالقضايا المندائية الدينية والأجتماعية كما يوفر اخبار حول العالم يتيح للكتاب نشر مقالاتهم كما لا يتحمل الموقع أي مسؤولية قانونية عن دقة أوصحة أو شمولية  المعلومات الوارد 

تأسس الموقع سنة 2001 يضم الموقع العديد من الزوايا منها اول غرفة المندائية للمحادثة الصوتية, صفحة الأخبار،صفحة الكتاب,منوعات, كما انطلق من الموقع اول راديو مندائي على الأنترنت و نسعى جاهدين للأرجاع الخدمة
موقع الشبكة المندائية موقع محايد منما يميزة عن بقية المواقع على النت
تم انشاء الموقع ودعمة من قبل السيد ماجد حميد سعيد

 

رجال الدين المندائي