wrapper

الـخـــــــــــــــــــــاطر الله

mo7ameEmad

المحامي

عـِمـاد عبد الرحيم الماجدي


الخــاطِـر الله نـَـظـْره مِنـّــّكْ

نـَظـرَه وحـدَه اوكـون يـَمـّـكْ

أرتِـوي مِـنـّـك حـَـبـيـبي ـ أرْد اشـِمـّـك فِـدوَه اشـِـمـّـكْ

چـنـّي أشتـَم ورد جـوري ـ يـخـسـَه والله ايـزوُد عِـطرَك

أردَ الـِمـّـك ... فِـدوَه الِـمـّـكْ

إنت عـيني حِـضن لـيلــُـو ـ اشـلون يالـيـلـُـو ألِـمـّك

أرد احضنك ... كون احضنك

هذا يعني أحضن الدنيه ونامن ، من أحضنـك

أرد اكـَحلـَـك ... بيدي كـَحْـلـَـك

 

شِـرَد مـيـل الكِـحِـل مِـنيّ ـ ايغار مايـوصـَـل الـكِـحلـَـك

آنـَـه اذكـْرَك ... دوم اذكـْـرَك

مانِسـيــتـَك إنت آنـَه ـ مانسيتك ياحبيبي حتى اذكرك

أردَ اعِـبـدَك ... والله اعِـبدك

بـَعـَد ربي استغـفِـر الله ـ واشـْـتِـكي مِـنـّـك الـْرَبـّـكْ

***

آنه اذكرك ... دوم اذكـرَك

مانِـسيـتـَـك إنت آنه ـ ما نِـسـيـتـَك حتى اذكـْرَك

اشلون انكرك ؟ فـكـّرت نوبات انِـكرك

نِـذر كِلـّـي (الحِنـّه) إنت ـ فِـدوه أوفي ، اشلون نِـذرك؟

شـيل زلـْفـَـك ... عـيني زلفـَـكْ

زلـِف غابه ، اشلون شال الـْـزلف مـَتـْنـَـك

يا (كلبدون) الِـبراسَـك ... عـنـّي مـَيـّـلْ

ذهب صافي ، ثـاري لـون الذهـَـب شعـْـرك

يـاخـضـار اللون عـينـك ، ياخضاره

شـذِر أخضر ، والـْشـذر ياعـيني كِـلـّـكْ

والعـَسل ، ياعـَـسَـل شفـتـك

خِجـل طعمه ، من يـُمـُر والله اعـله شِـفـتـَـك

أردَ اعِـبـدَك ... والله اعِـبدك

بـَعـَد ربي استغـفِـر الله ـ واشـْـتِـكي مِـنـّـك الـْرَبـّـكْ

***

ويـلي يانظرَة اعيونك ، سـَـهـَم يـجـْـدَح

مِن تـرامي ابهيدَه صَـوّبْ ، أبـَـد ماتخطيه سـَـهـمـَـك

قـوس ياعيني الـحـواجـِـب ، يالحواجـب

والـحواجب من تـُبـوس اشواي رمـْشـك

ردْت أظِـفـْرَن بالگـصيبـَه ـ الـْتِـعـَب منهه اوصاح زلـفـَـك

والـخـًصـر ياخـصـر حـوته ـ مِـنـگِـطع شـو چـَـنـَّه خـَصرك

گلبي شو (چانون) وايـْوج ـ صـار مجـنون اعـلـَـه جـَمـرَك

امـعـَلـّـگ اوچـَن نجمه آنه ـ تنـتِـظر طرّتـتْ فـَجـرَك

نـوبه احس فـَيْ آنـَه اصيرَن ـ مايـُفارگ أبـَد شـمـسـَك

نـوبـَه اصيرن نـَهـَر چـنـّي ـ أرد انوشـَـن صدر جـرفـَـك

نـوبـه اريـدَن دمِـع عيني ـ ايصـير خـِطـّار اعلـَه جـِفـنـَـك

اونـوبه اشـوف الـوان الله ـ تِـستِـحي امن الـْوان خـَدّك

أردَ اعِـبـدَك ... والله اعِـبدك

بـَعـَد ربي استغـفِـر الله ـ واشـْـتِـكي مِـنـّـك الـْرَبـّـكْ

***

يا (سِـفـَرجل) مِـنـّـه طـولك ـ نـار كِـلـّـك مِـن يـگربـَـك

صِـرت الـوبح چـنّي سِمچه ـ امْزوهِرَه اوصايدهَه شِصّك

شِـجره كِـلهَـه افـْياي طولك ـ حـَدِر آنـه افـياي غِـصنـَـك

گـيمـَر اخـدودك حبيبي ـ عـونه كِلمـَن ضاگ طـعمـَـك

ليش شو فجأه حـَبيـبي ـ ما ( دِفـِـت ) بـيديـك حِـنـتـَـك

شـو شفت دورَة اعـيونـَـك ـ عافت او كِتـلـت نـَظِرتـَك

شـو شفِـت وردِ الِــبـْروحـَـك ـ عـاف ألـْوان الـْبـخـَدّك

شـو شِـفِـت چـَن گلبي واگف ـ اشماله گِـتـْله اشبيهه دَگـتـَك

شـوشِفِـت چـَن نـجـم الله ـ مابـَـعـَـد بـِسـماه يـِـعْـلـِگْ

چن نبض وابگـلبي چنـّه ـ من جـِـفاك اوشـوفـَـه يـنـتِگ

شـو طفـَـه چانون روحي ـ مابـَـعـَد جـَمراتـه تِـحـْرگ

ثـاري گلبك دار راسـَـه ـ عِـطـَش يـشرب ماي يشـرگ

وارجـَعِـت لـَمـّيت روحي ـ شـَمعه صارت تضوي دَربـك

كـافي يـُمكن خِـلـَص لعبك ـ اهـناك يمكن يـِصْحه گـلبـَـك

أردَ اعِـبـدَك ... والله اعِـبـْدك

بـَعـَد ربّي استغـفِـر الله ـ واشـْـتِـكي مِـنـّـك الـْرَبـّـكْ

Last modified on الثلاثاء, 03 آذار/مارس 2015

عن الموقع

 المندائية موقع مندائي اخباري يختص بالقضايا المندائية الدينية والأجتماعية كما يوفر اخبار حول العالم يتيح للكتاب نشر مقالاتهم كما لا يتحمل الموقع أي مسؤولية قانونية عن دقة أوصحة أو شمولية  المعلومات الوارد 

تأسس الموقع سنة 2001 يضم الموقع العديد من الزوايا منها اول غرفة المندائية للمحادثة الصوتية, صفحة الأخبار،صفحة الكتاب,منوعات, كما انطلق من الموقع اول راديو مندائي على الأنترنت و نسعى جاهدين للأرجاع الخدمة
موقع الشبكة المندائية موقع محايد منما يميزة عن بقية المواقع على النت
تم انشاء الموقع ودعمة من قبل السيد ماجد حميد سعيد

 

رجال الدين المندائي