wrapper

بــغــــــــــــــــــــداد
المحامي
عماد عبد الرحيم المـاجدي

mo7ameEmad

ويــنــَه اللي يصيح احـّـاه بـَـغـداد
ويـنــَه اللي يـروح ايشوف ربـْعـَـه

وينه اللي (فـُراتـَه) اتـرابه يـنخـاه
يـروح (الدجلِـته) اويشرب ابـْنبعـَه
وينه اللي يـروح (الهـُور) يـلگـاه
نشـَف (دمّه) اويكت ياناس دَمعـَه
وينه اللي صعـَـد (نخلات) الاحباب
يحـُوش (ابتمرته) وايضوگ (نفعه)
وينه اللي (يصلـّي) ابگاع (بغـداد)
ماينسـَه (الـْفـَرض) وايزيد (ركعه)
ويـنه اللي يـروح اويــِحـْسِب ايـّـام
يـِعِـد أيـّام (سَنتـَه) اونسه (الجمعه)
ويــنــَه اللي يصيح احـّـاه بـَـغـداد
ويـنــَه اللي يـروح ايشوف ربـْعـَـه

***
وينه اللي عشگ وايغني كل صيف
وايـْلـَـفلِـف (شِـتاه) افراش طـَبعـَه
وينـَه اللي يـِـزيـد (اسبوع بغـداد)
يوم امن العـُمـُر وايموت (سبعـَه)
وينـَه اللي يعدهه (انجـُـوم بغـداد)
يغـلـَط بالـْعـَدد وايـعـيـد (جـَمـْعـَه)
وينه اللي يـِـحضنـَـك (گمـَر بغداد)
يـشمّـه امن (الجبين) ايزيد (لمعه)
وينه اللي (مـُضيفه) اوبيته بغـداد
(دلاّتـَـه) ابـْمضيفـَه اتـزيد رِفـْعـَـه
ويــنــَه اللي يصيح احـّـاه بـَـغـداد
ويـنــَه اللي يـروح ايشوف ربـْعـَـه

***
وينه اللي (سـُمعته) احروف بغداد
منهـِـن سـُمعِـته او مازاد سـُمعـَه
وينه اللـّي حِـضن (تـمّوز) ياناس
واحزيران عاشَه اوضاگ (لفعـَه)
وين اللي تِـعـَـلگ (بـيرغ) اوصاح
(بَـغـداد الـْعـَلـَم) عَ الـْرّوح رُفـْعـَـه
وينه اللـّي (شـَمْعِـته) ابعينه بغـْـداد
يشوف (الدنيه) بيهه النّـور شمعـَه
وينـَه اللي دَمعـْـته (انـْهار بَـغـداد)
هِـنـْيال الـْشرب من عِـدهه (مِجعـَه)
ويــنــَه اللي يصيح احـّـاه بـَـغـداد
ويـنــَه اللي يـروح ايشوف ربـْعـَـه

***
اهـواي اللي غلط ، شِـفعـتله بغـداد
(شرايينك) ابدمهه اتصير ( شفعـَه)
بـ (اعيون المها) بين الجسر (صاح)
(إرصافة ْ هوى) والعشگ (نـَشعـَه) *
(بغـداد الرشيد) او إبنـَه (مأمون)
(مَـنصور) البناچ اوذاع (شرعـَه)
وبو النواس يشعر دومه وايصيح
تِـغـزّل بـ ( الغـَـزال) اوهاذ (طبعـَه)
غـَمـّه اللي نِـسـَه (شـَهگات بغـداد)
(تِـِطـَـلـگـَه بالـْـثلاث ابغـير رجـْعـَه)
ويــنــَه اللي يصـيح احـّـاه بـَـغـداد
ويـنــَه اللي يـروح ايشوف ربـْعـَـه


*من بيت الشعر لعلي بن الجهم على ماأعتقد :
عيون المهى بين الرصافة والجسر ـ جلبـن الهوى من حي أدري ولا أدري
Last modified on الثلاثاء, 03 آذار/مارس 2015

عن الموقع

 المندائية موقع مندائي اخباري يختص بالقضايا المندائية الدينية والأجتماعية كما يوفر اخبار حول العالم يتيح للكتاب نشر مقالاتهم كما لا يتحمل الموقع أي مسؤولية قانونية عن دقة أوصحة أو شمولية  المعلومات الوارد 

تأسس الموقع سنة 2001 يضم الموقع العديد من الزوايا منها اول غرفة المندائية للمحادثة الصوتية, صفحة الأخبار،صفحة الكتاب,منوعات, كما انطلق من الموقع اول راديو مندائي على الأنترنت و نسعى جاهدين للأرجاع الخدمة
موقع الشبكة المندائية موقع محايد منما يميزة عن بقية المواقع على النت
تم انشاء الموقع ودعمة من قبل السيد ماجد حميد سعيد

 

رجال الدين المندائي