wrapper

الـعـيـــــد 

إجـانـَـه العـيـد ياصبـّـه ـ مِـثِـل عـيـد الإجـَـه گبله

مـاتدري تروحـَن وين ـ مـُصلـّي ضـيـّع (الـقِـبـْـله)

اعـزاز اوراحو امغبشين ـ مـاتـو للأسف غـفـلـَه

مجبور النهر لوعاف ـ جـُـرفه اومـَـيـّـتـَه اورملـَه

إذا شهـَـر اليـُـمـُر مابيه ـ يـوم الـْـبيـه إلـَـك هِـملـَه

مِـن نمشي اونريد انگـوم ـ تغـْـلبنه الصبُح نـَمـلـَه

واذا صبّي فضح مَستور ـ حـَمله انـشِـد عليه حَمله

اذا (صبـّـي) بـرَز بينـه ـ نِـدِفـْنـَه انـريده مايـعـلـَه

مانگدر نواجه ليش  ـ نِـشچـّه او بالـْـظهـَر غـِفـلـَـه ؟

 


نـصبـغ دوم بـ (الزنجار) ـ نـريد الأعوَج انـْبدلـَـه

(ذيـل الچـَـلب) نگـّـعـناه ـ گِــلـنـَه لازم انـْعِــدلـَـه

( قانون الله ) هالعفناه ـ نِـريـد إبـ (عولِـمـَه) انـْگطله

(دينه الله) اليعـوفه انسـان ـ مـَعناهـَه فــُُقـَـد عـقـلـَه

(مِـداديح ) اشكثر صارو ـ ألف ( متنبي ) نِـكتبلـَـه

چم عيد الإجـَـه اورَد راح ـ نـعرف مِـنـّه بـَس جمله

( عـيد امـْبارك اعـليكـُم ) ـ نِـتـْـمنـَه الـيجـِي أحـلـَـه

واذا عندك نقص (مليون) ـ أدعي الـعـيد واتـكمـلـَه

***

طفِـل صبـّي دموعه اتهـِـل على اخـدوده

طبگ رمشه اوجفن عينه شاف الدمع تاليـّه

مِـشه الشفـْـتـَـه الشبگهه الضيم والحـَـسرات

شـبـْگـتـّه الشفايف حيل ، دمع العين غاليـّـه

تِـسألـَـه اشـْبـيـك ؟ گلهـَه الجـّوع والـيـني

لاعـَم أو أبـَد لاخال ، عـاف الماي چالِـيـّه

ولا (غـيرة)  هـَـلي الصَبـّه ، مثِـل ماچان

كِـل صبـّي كـَبـُـل يعـشگ أهاليـّـه

چـان النجـِم يِـسهـَر بالـْسمَه ايغـنـّّي

تـرگص والگـمر يعشگ لِـياليـّـه

الصبه (نخل) ياصبّه كِلـّه اعثوگ

(خضراوي) التمر ماطِـرَد (زهديـّه)

***

شجـَر خويه الصبيبي اتسيـّد الگيعان

چثيره اللي تـِحبـّه اوتِـگـعِـد ابـفيـّـه

چانو هيچ اهالينه (الرفاگه) اشهود

واحِـدهـُم سفـينـَه ، الثاني ساريـّـه

ديوان اوجـمُـر واحِـدهم إيـْـوج نار

(إدلال) اوأبـَـد ، مايـوم مـَـچـفِـيـّه

صبّـتـنـَه (بـيارغ) ترتِـفِـع بالكـون

لوراح الصبيبي (الدنيه) مَهفـْـِـيـّـه

وجانـَـه ( الـعـيـد ) والحـَـفـلات

والمَـشروب والرگصات لـيـليـّه

وانكاسر (عرگنه) ابشهگة المحتاج

وابّـطـنـه يـبات (الجـوع) يومِـيـّـه

او لوهـَب الصبيبي يدفع الزدقات

نِـسبـَـه تاخذ امن (الزدقه) جمعيه

***

إجانه العيد واهدوم الطفل لنگات

حافي اويـحـْـلـَـم ابأحلام ورديـّـه

يلبس (قندره) او لويحصل الجوراب

يبوس ايده اويگول انطوني عيديـّه

والبنت الإجاهه العيد ماتـِـرضاش

تگـرط بالخبز ، تِـتـنـَـطـّـر الـمـَيـّه

يـاويـلي على الأيام راح اتـْصيـر

(زهر مر) اونلهمَـه ابدون صينيـّه

باطِـل كل (كراص) اومايصيرن عيد

(عيدك لو الصدگ )  تعـرف مرامِـيـّه

مامقـبـول ( عـيـدك ) لاوحگ الحـَي

غـرگـان الأخـو اودمـّـه سواجـيـّـه

صبـّه احنه اوضلعنه للصبيبي اضلوع

نـهـَر جاري اويحِـب ياصبـّه شـاطـيـّه

يـَـسيـوف البواشط ، والسيوف اسيوف

موش (اسويف) خويه اوصار (شبريـّه)

إجـانه الـعيد ياصبـه ـ أيـّـامه يـَخي حـبلـَه

تِـطرَح ، هذي طِـرگـاعه ـ لـوجابت طفل أبْـله 

إجـانـَـه العـيـد ياصبـّـه ـ مِـثِـل عـيـد الإجـَـه گبله

Last modified on الثلاثاء, 03 آذار/مارس 2015

عن الموقع

 المندائية موقع مندائي اخباري يختص بالقضايا المندائية الدينية والأجتماعية كما يوفر اخبار حول العالم يتيح للكتاب نشر مقالاتهم كما لا يتحمل الموقع أي مسؤولية قانونية عن دقة أوصحة أو شمولية  المعلومات الوارد 

تأسس الموقع سنة 2001 يضم الموقع العديد من الزوايا منها اول غرفة المندائية للمحادثة الصوتية, صفحة الأخبار،صفحة الكتاب,منوعات, كما انطلق من الموقع اول راديو مندائي على الأنترنت و نسعى جاهدين للأرجاع الخدمة
موقع الشبكة المندائية موقع محايد منما يميزة عن بقية المواقع على النت
تم انشاء الموقع ودعمة من قبل السيد ماجد حميد سعيد

 

رجال الدين المندائي