Print this page

 

untitled 640x453 

ياحيف الوطن الناس جاعت بيه

ومن ماله الغريب أنملت جياسه

مو كافي الدول تدك عليه دوم

بابــه مشرعه وكاعه منداسه

والجيران من كل كتر تنهش بيه

وصارت وجعتــه الهُم ونــاسه

والعراقي اللي تحمل جور لسنين

وجان بسده وي اخوته حراسه

حاله تـرده وصار حالــه الضيم

من كثر اللهث انكطعت أنفاسه

غده حافي وابنه تارك التـعليم

ماعنـده ألــه يشتري كرّاســه

حلم بس بالأمان وشلون يتحقق

اذا ألتهت عنه بمناصبه الساسه

ونـفط الوطن صــار كوام سلاح

فوك الجوع يتفجر على راسه

ياريت النفط هالغضب ماموجود

ماجان العراقي انضام لو قاسه

بقلمي

حذام عبد السلام عامر

1.11.2012